செல்லல் நிகழல் வருங்கால மூன்றினையுஞ் சொல்லு மவுனத் தொழில்.

281

பஞ்சிற் படுபொறி போலப் பரந்திருந்து துஞ்சாது ஞானச் சுடர்.

282

இமைப்பிற் பரந்தங் கொடுங்கு மின்போல் நமக்குட் சிவன்செயல் நாடு.

283

குவித்து மனத்தைக் குவித்துள்ளே யோங்கில் செவித்துப் பெறுவ தெவன்.

284

காலுந் தலையு மொன்றாகக் கலந்திடம் நாலா நிலையென நாடு.

285

மூல நிலமிசை மூன்றா நிலத்தினில் ஆல மருந்துஞ் சிவம்.

286

எழுஞ்சுட ருச்சியின் மேன்மனம் வைக்கத் தொழிலொன் றிலாத சுடர்.

287

அடைத்திட்ட வாசலின் மேன்மனம் வைத்துப் படைத்தவன் தன்னையே பார்.

288

அறுபதொ டாறு வருட மிதனை உறுதிய தாக யுணர்.

289

அட்டமா சித்தி யடையுமோ ராண்டினில் இட்ட மிதனைத் தெளி.

290